جديد قصائد

أحدن على شان الخوي كب الظروف
واحدن تعذر بالظروف من الخوي

شي يطوف وشي والله ما يطوف
وجرح يطيب وجرح يشويني شوي

وترا الصداقة تشبه أنواع السيوف
وماكل سيف يابعد عيني قوي

سيف بريقه في اللعب بين الصفوف
وسيف صليله في الوغى يدوي دوي

من لايميز صاحبه لازم يشوف
نفسه على جمر الحسايف ينكوي



عمر الشجر ماقال محتاج للماء

اما سقيته والا مات بكرامه

من راح كيفه ومن رضاء خاطره جاء

ومن صدة الاصحاب نبغى السلامه




خلك أبخل رجل في سوق الكلام
وخلك أجبن رجل في طعن القفا

وأن بغيت تكون في راس السنام
أحسب ألف حساب من كلمة أفا



كل بيت في هذي القصيدة درس


من لا يقاسم فالطعام الذيابه
يموت جوع ولقمته مشتهيها
ومن طق باب الناس ينطق بابه
و يذكّرونه في علومِ نسيها
ومن لاتفقد كل جابه وجابه
لا جاته الزلات يصبر عليها
ومن لايثمن فالمجالس جوابه
الطيّبه يبطي وهو يحتريها
و اللي يضيع فالملاقا ركابه
يجلس ويتركها لمن يمتطيها
ومن لايصد القوم ماينغزى به
والنايفات يموت ما يعتليها
واللي يسولف في ظهور القرابه
اخير منه اللي تحني يديها
واللي يقيّل في بيوت الخرابه
لو تطرده منها يروح ويجيها
وان مات والا عاش محدٍ درى به
يجهل علوم الطيب لو يدعيها
ومن لايهاب الناس محدٍ يهابه
ويرضى بها من هو لغيره رضيها
واللي يحسب الرزق يؤخذ نهابه
اليا انهبوه القوم لا يرتجيها
ومن لايفصّل فوق جسمه ثيابه
ياشين لبستها بعد يشتريها
والفعل يفرق والملامح تشابه
ولا للمواقف غير من يحتميها
واللي كلامه سيف صدره نصابه
و قدام ينطق كلمته يحتسيها
وكلن تسجل سيرته في كتابه
اما لها و الا تسجل عليها




لاتشاور اللي ينقل الهرج لاراح..
شاور كبير العقل والرأي والدين..

واحذر من اللي يرمي القول مزاح..
لابد رميه تدمي الراس والعين..

وابعد عن اللي عالي الصوت فضاح.
لاجاك ينصح عند قوم(ن) مهمين..

وحذراك من خوة كسيرين الارماح..
ترجع عليك اسهومهم بالميادين..

واكبر دليل(ن) يفضح الحقد ذباح..
وقت الزعل تظهر خفاياه بالشين..

والحي يحيي صاحبه وين ماراح..
والميت يزيد الغبن لوعة البين..

وخلك فطين وزبدة الهرج مفتاح..
والتجربه بالعمر خير البراهين..




بين القصيد وبين مفهوم الابداع
لوحة فكر تظهر بصوره بديعه

كثر التجارب علمتنا بالاقناع
آن الاحرار تروس ماهي تبيعه

الطبع يغلب مايفيد التطباع
غير جبال ولاتغير طبيعه

رجلن ليامنه فزع يفزع بساع
ورجلن على الفزعه تقل فيه ميعه

المرجله يبغالها لسان وذراع
لاتشتم العالم بليا ذريعه

مانقبل العيله لوصدورنا وساع
ولانطوف الزله لاصارت شنيعه

خل اللكاعه وش تبي بالتلكاع
بذات لاجيت الرجال اللكيعه

اقضب لسانك عن مدورة الاطماع
ماكل علمن لاسمعته تذيعه

النفس آماره والانسان مطواع
بس العقل ماكل شين يطيعه

تجارب الاجواد تشرى وتنباع
بس الظفر بالتجربه مانبيعه

لاصرت راس و ساس لاتنزل القاع
اكفخ جناحك في علو الطليعه

محدن كسب حب الاوادم بالاجماع
حتى الرسول اللي هدى ل الشريعه

لاتبلش بعمرك ترى العالم انواع
والناس يامتواضعه ياوضيعه

لاتحتري من ناقص الراي الاسناع
من شاور الغاوين يبشر ب ضيعه

العين سد العين والصاع ب الصاع
لايرهبك عوي السباع المجيعه

الذيب ماياكل من الجيف لو جاع
شبحه بعيد وعظم ساقه سريعه

خلك مع الاجناب محزم وفزاع
وخلك ل بن عمك حصونن منيعه

وليا لحقك الضيق من بعض الاوضاع
هلل وكبر ودع ربك وطيعه

لاتشتكي للقوم وتزيد الاوجاع
يضيق صدر ولا تضيق الوسيعه

حوادث الايام مادونها شراع
تبّكي الشيبان مثل الرضيعه

شعرن ليامن قيل تطرب له اسماع
وشعرن يعّل ولايجمل صنيعه

آعيدها من باب تكريس الابداع
ماكل علمن لاسمعته تذيعه



الكلام في ظهر الخوي عــيـب
‏والمدايح بالوجه ماهي وفـــا
　‏
‏كانك تبيّ تزيد الطيب طيــب
تكلم في الوجه وامدح بالقفاا





درب الردى مايسلكه غير الرخوم
واللي يشوف النور يكره ظلامه*
..
ولا الردي من فعله الطيب محروم
والحر يفرق // والنعامه نعامه*
..
تربط هل المعروف عادات وسلوم*
واهل المصالح ماعليها ملامه*
..
والحق عندي له براهين *وختوم*
واللي في قلبي في لساني كلامه
..
والكذب في قلب*ٍ به الصدق معدوم
و الله حسيب العبد يوم القيامه*
..*
البارحه والعين مازارها النوم*
*ضايق صدر ..والليل ماقدر انامه*
..
ياصاحبي غالين صارو لنا خصوم
وكل*ٍ على مبداه غير نظامه*
..*
تقدر تقول اني من الوقت مصدوم
حسيت هالمره بطعم الندامه*
..*
ليت الردى من طبع الانسان معدوم*
او ليت في وجه الرديه علامه*
..
اللي بعيوني كان غالي ومحشوم*
ماعدت اشوفه شي .. قل احترامه*
..
ياكثر ماشافت عيوني من رخوم*
وعرفت اميز بين حر و نعامه*




لو الفقر يذبح ذبح عبدالسلام
ماعنده الا السيكل اللي يملكه